ТОНШОСОГООХО

үйлэ ү., видэй нэгэ түхэл 1) сохёод-сохёод абаха, сохисогоохо (постукивать, выколачивать): Эндүүрһэнээ мэдэрһэн янзатай түрүүлэгшэ уруугаа хараад, хургануудаараа стол дээрэхи шэл тоншосогоон һууна (С. Цырендоржиев); үнэһэ тоншосогоохо гааһан соо үлэһэн үнэһые оёорһоонь сохижо байжа гаргаха (вытряхивать пепел из трубки): Үбгэн хүндөөр һанаа алдаад, тамхинайнгаа үнэһэ тоншосогоон, ойро зуура аниргүй болоод һуутараа, дахин һанаа алдаад үргэлжэлбэ (Б. Мунгонов); 2) шубуунай хушуугаараа жэжэ юумэ түүжэ эдисэгээхэ (клевать, поклёвывать): Баахан хайрсаг сооһоо гурба-дүрбэн тахяанууд бултагашалдан, орооһо тоншосогоонод (Ц.-Ж. Жимбиев).