ТҮГЛЭ

юум. н. 1) хуһан, нарһан, шэнэһэн, уляаһан г.м. мододһоо бүридэһэн, нэлэнхы ойһоо таһаржа ургаһан багахан ой, шугы (роща): …Шэтын наана, нариихан хобоогой дэргэдэхи бишыхан түглэ соо дүшөөд улаантанай сагаантанай хоёр зуугаад сэрэгүүдтэ бүһэлүүлээд, зэрлиг муухайгаар алуулһыень … би ехэл һонишоожо шагнабаб (Ц.-Д. Хамаев); түглэ шугы үргэлжэ ойһоо таһаржа ургаһан багахан ой (роща): Түглэ шугыһаа нааша татаһан ехэ загуунаа гурбадахияа тойрожо ябатараа, нүхэрни загуунай нүгөө талаһаа ташуураараа даллажа байжа ооглобо (З. Гомбожабай); нарһан түглэ нарһан мододһоо бүридэһэн шугы (сосновый бор): Бага Яруунын зүүн эрьедэ мүнхэ ногоон нарһан түглэ нэмэриһэн Шэрэнги гэжэ багахан тосхондо 1951 оной намарай дунда һарада түрэһэн намтартай (Р. Жалсанова); 2) модотой, набтар, доро газар (полесье): Теэд ой тайгын олон сая модод барагдаха юм бэшэ, саашаа ябаха бүринь улам улам бүшэмэг түглэ болобо (Ц. Шагжин).