ТУЛАЛСАХА

үйлэ ү., хамтадх. залог 1) тогтууритай болгохын тула хажуу тээһээнь юумэ түшүүлэлсэхэ, дүнгэлсэхэ (помогать подпирать): Тэрэнээ даажа ядан, өөдэнь үргэжэ, тогтуурияа оложо ядажа байхадань, Гарма асынь тулалсан хамһалсана (С. Ангабаев); 2) бэе бэедээ түшэлдэхэ (опираться друг на друга): Мүр мүрөө шанга тулалсаад, толгойнуудаа үһэрилдүүлэн, сэхэ углуу гаратар тонгойлдошоод, дүхэригэй дундуур тойролдонод (Д. Батожабай); 3) дайлалсаха, булимтаран абалсаха (сражаться); 4) тэмсэхэ, эсэргүүсэхэ, зодолдохо, сохилдохо, наншалдаха (бороться, сталкиваться, драться): Орожо ерэhээр, Баабгайн хүбүүниие баряад, хухара нугара барихаараа түхѳѳрбэ. Баабгайн хүбүүн тулалсажа оробо (Арадай онтохонһоо); 4) ямар нэгэн спортын янзаар урилдаха, тэмсэлдэхэ, барилдаха, бүхэеэ туршалсаха, үзэлсэхэ, хүсөө үзэлсэхэ (состязаться, бороться): Һонирхолтой гэхэдэ, дүрбэлжэн финалай уулзалгада Галсан Бэликто Цынгуевтай ана-мана тулалсажа, оройдоол һүүлшын годли табижа, илалта туйлаһан байна (Б. Балданов).