ТУЛАЛДАХА

үйлэ ү., угталд. залог 1) дайлалдаха, байлдаха (сражаться): Нэгэшье хүмнай дайсанай урда гараа үргэхэгүй, һүүлшынгээ амисхал, һудаһанайнгаа һүүлшын сохисо хүрэтэр тулалдахабди (Ж. Тумунов); 2) тэмсэхэ, эсэргүүсэхэ, зодолдохо, сохилдохо, наншалдаха (бороться, сталкиваться, драться): Бадан гал дүлөөр сорьёжо байһандал адляар Шоные харан, урдаһаань хүлзэн ошоод, хүрэһөөр гарһаань шүүрэжэ, хам ороод, бар хүсөөр тулалдабад (Б. Санжин, Б. Дандарон); архитай тулалдаха архи уудаг зониие архиһаа гаргахын тула арга хэмжээ ябуулха (бороться с пьянством): Тиихэтэй хамта бурхан шажантай, хуушан сагай үлэгдэлтэй, архи тамхи гэхэ мэтын юумэтэй хайра гамгүйгөөр тулалдаа (Ц.-Ж. Жимбиев); 3) спорт. ямар нэгэн спортын янзаар урилдаха, тэмсэлдэхэ, барилдаха, бүхэеэ туршалсаха, үзэлсэхэ (состязаться, бороться): Баргажан голой болон Ивалгын, Хориин аймагуудые, мүн Улаан-Үдэ хотые түлөөлһэн эдир барилдаашад ана-мана тулалдажа, эрхимүүдээ элирүүлһэн байна (Буряад Y нэнһөө); 4) сэсэрхэлдэхэ, сэсэ буляалдаха, арсалдаха (спорить): Ухаатай сэсэн үбгэд хошон үгөөршье тулаладана (Д. Батожабай).