ЖЭГДЭЭР

наречи 1) нэгэ янзаар, сагай адлиха зайтайгаар (равномерно, мерно): Лейтенантын һуларшаһан бэе дахин хүсэтэйгѳѳр халажа, зүрхэниинь нэгэ жэгдээр аад, даамайхүндѳѳр сохилно (Ж. Тумунов); 2) тэгшээр, сэхээр, болди солдигүйгѳѳр, нэгэ хэм соо, адли (ровно, равномерно): Хярань нэгэ жэгдээр бэшэ, эбдэрһэн, хухарһан зурлаа шугам болон харагдадаг болобо (С. Доржиев); Тэдэнээ иишэ тиишэнь уни бутарса тарман, этэн хаяна, газар дээгүүр нэгэ жэгдээр тарааха гэжэ оролдоно (Ц.-Ж. Жимбиев); 3) дээшээшье, доошоошье болонгүй, нэгэ янзаар, аажамаар (монотонно, без перепадов – о звуке): Поездын мѳѳрнүүд нэгэ жэгдээр рельснүүдые сохижо, тэдэнэй залгалаануудта дондорходол гэнэ (Ж. Тумунов).