УНТАРШАХА

үйлэ ү., видэй нэгэ түхэл 1) түргэн носохоёо болихо, бүхэшэхэ (быстро погаснуть): Айл бүхэнэй сонхонуудһаа яларалдан байгаа тоһон дэнгэй галнууд эндэ тэндэ хойно хойноһоо унтаршаба (Д. Батожабай); 2) зайн галай гү, али ямар нэгэн оньһоной хүдэлхэеэ болишохо, абяагүй болошохо (выключиться): Арадань мотоцикл хүршэгэнөөд, гэнтэ түргэн унтаршаба (Ц.-Д. Хамаев); 3) замхашаха, үгы болошохо, һуларшаха (терять силу, ослабевать, прекращаться): Теэд үнгэрэгшэ үдэшэлэн эжытэйгээ хөөрэлдэһэнөө һанахадаа, сэдьхэлэймни баяр унтаршаба (Ц. Шагжин).