УЛАС

юум. н., ном., үсөөн 1) орон, гүрэн (страна, государство); улас орон гүрэн, гүрэн түрэ (государство, страна): Манай хани – Наран улас мандаха болтогой (Ж. Тумунов); олон уласай хоорондохи харилсаан олон арадуудай хоорондохи харилсаан (международные отношения); улас түрэ а) ниигэм, ниитэ, хамта (общество); б) гүрэн (государство): Дэлхэйн ниитэ түүхэдэ зарим улас түрэ ехээр магтагдажа, мандажа, нүгөө арадынь муудажа, доройтожо, шоо үзэгдэжэ байдаг гэжэ мэдэнэбди (Ц. Галанов); улас түрын ном. политическэ (политический): Нюуса суглаа хэжэ, ами наһанай аюултай байдалда орошоод байһанаа мэдэрһэн, улас түрын байдалда балайшье һожоргүй хамбанар барайлдашоод һуугаа һэн (Д. Батожабай); 2) арад, арад зон, хүн зон, хүн амитан (народ): Сэрэнцүү тэрэ солонгос уласай тэмсэл тухай бодолгото болон һууһаар инаг хайрата нүхэрөө һанаандаа оруулжархиба (Ц.-Ж. Жимбиев); улас зон хүн амитан, арад зон (народ): – Гүрэнэй, улас зоной түүхэ байна ха юм, зүб! (Ч. Цыдендамбаев).