УЛАРИЛ

юум. н. 1) газар газарай байгаалиин тогтомол байдал (климат): Ямаршье түрмэ заралгын хашалан зоболон, Сибириин шэмэрүүн хүйтэн уларил тэрэниие һуларуулжа шадаагүй (Ц. Шагжин); уларилда дадалга тад ондоо уларилтай газарһаа ерээд, ерэһэн газарайнгаа байгаалиин тогтомол байдалда байн байн тааралга (акклиматизация); уларилда дадхааха байгаалиин тогтомол байдалда тааруу болгохо (приучать к климату, акклиматизировать); 2) ойро зуурын байгаалиин хубилдаг байдал (погода): Уларил һайжарха шэнжэтэй: хубхайранги шаргал оройтой хүгшэн хушада тоншуулай тухашаран тоншохо таһалданагүй (Д.-Д. Дугаров); сагай уларил ойро зуурын байгаалиин хубилдаг байдал (погода): Сагай уларил гээшэ тухайн сагта, тодорхой нүхэсэлдэхи бүхы үзэгдэлэй согсосые хэлэнэ (bxr.wikipedia.org); б) газар газарай байгаалиин тогтомол байдал (климат): Мүнөө сагай уларил хубилаал юумэ бэзэ: тэрэ атом-матом гэжэ байжа тэһэлхэ, бүхы шэнжээрнь бодоод үзэхэдэ, ехэл ган гасуур болохонь (Ц.-Ж. Жимбиев).