ТУЛАТАРАА

наречи үлүү гаратараа, хэмһээ ехээр, айхабтараар (чересчур, сверх нормы): Тулатараа гэдэһээ садаһан Осор лама мүн лэ уралаа долёоһоор, тэрэнэй хажууда яаралгүй ерэжэ зогсобо (Д. Батожабай); тулатараа эсэхэ (сусаха) ехээр тамираа алдаха, ядарха (сильно уставать): Зүгөөр энэнь гайхалтайшье бэшэ даа, үсэгэлдэртөө тэдэнэр, илангаяа Толя Баярмаа хоёр, тулатараа эсэжэ, арай хурыхан хүлөө шэрэжэ ябаа ха юм (Б. Мунгонов); Оюунань энэ ехэ шуурганда дайрагдажа, үбэлэй һүниие һэтэ ябагалжа, тулатараа эсэхэ сусахадаа, нэгэ жаашье һаань хэбтээд, амардаг һаа гэжэ һанадаг байгаа (Ц.-Ж. Жимбиев).