ТООСООНОЙ

тэмд. н. 1) тоололгын, бүридхэлгын (счётный): Дэлэг старшинагай толгой соо мүнөөдэр тоосооной хэрэг орохоор бэшэ байгаа (Ц. Дон); томо тоосооной наймаашан ехэ мүнгэнэй наймаа хэдэг наймаашан, ехэ гарай наймаашан (торговец с большим оборотом капитала): …тэрэ гэһэнһээ хойшо томо тоосооной наймаашан боложо, мүнөө Ниршүү город дээрэ архиин заводтой, хэдэн олон газарта томо-томо магазинтай … (Х. Намсараев); 2) хүтэлбэрилэгшэдэй үгэһэн үүргэ даалгабари, хэхэ гэжэ түсэблэһэн ажалаа бэелүүлхэ талаар зохёоһон ажал, тэрэнэй ябаса, үрэ дүнгые харуулһан (отчётный): Апрелиин 23-да Чайковскийн нэрэмжэтэ урлалай колледждо тоосооной тоглолто үнгэрхэ (minkultrb.ru); тоосооной элидхэл хэһэн ажалай үрэ дүнгые харуулһан элидхэлгэ (отчётный доклад): Толгойлогшо тоосооной элидхэлдээ хэгдэжэ байһан ажал тухайгаа дэлгэрэнгыгээр мэдээсэбэ (Б. Якшеев).