ТОХОГДОХО

үйлэ ү., хүлеэгд. залог 1) ямар нэгэн юумэн дээгүүр бүгтэрүүлэгдэхэ, хүндэлэн хаягдаха, табигдаха (быть наброшенным на что-л.): Энэ үедэ тохом дээрэ үшөө нэгэ танигдаагүй юумэн тохогдожо, гүзээн доогуурнь хоёр татуурга шанга гэгшээр татагдашаха (Б. Мунгонов); 2) шэлж. ашагдаха, даалгагдаха, олгогдохо (возлагаться, назначаться – напр. о штрафе): Үмсын үхэрнүүдэй таряалан гэмтээһэн ушарһаа эзэдтэнь яла тохогдобо; (гэм) зэмэ тохогдохо зэмэлэгдэхэ (обвиняться): – …ёһотой гэм хэһэн хүн Должон байһан аад, талада байһан ши шортоо зэмэ тохогдохоо байна гээшэ хаш гэжэ һананам (Ц. Дон); Ламанарай гаргаһан шажанда харша үйлэнүүд Арабжуур ламын элдэб аашануудтай холбогдон, зоной дунда тараагдана, бузгай гэм зэмэнүүд тохогдоно (М. Батоин); ◊ ээм дээрэ тохогдохо ямар нэгэн юумэнэй түлөө харюусалгатай болохо (≈ ложиться на плечи): Энээнһээ урид бидэ иимэ эзэгүй соргонуудые шалгадаг, хэрэгтэй һаань заһабарилдаг байгаабди. Харин мүнөө хуулиин ёһоор манай ээм дээрэ тохогдобо (ulanmedia.ru).