ТОДОРХО

үйлэ ү. 1) элеэр, һайнаар харагдаха гү, али соностохо (проявляться, выделяться, становиться отчётливым): Манан одоошье дэгдэжэ, Тагли нуур арбаад гаран модоной зайһаа нааша номин хүхөөр гэрэлтэн тодороо (Д.-Д. Дугаров); Агын амһараар һалхин үлеэнэ гү гэжэ түрүүн һанаһаниинь ондоохон шэмээ тодорбо (Д.-Д. Дугаров); 2) илгаржа гараха, илгарха, шалгарха (выявляться, отличаться): Студент хүн гэжэ голохогүй, намайе амаруулхаяа нютагаа уриха иимэ һайн хүнэй нүхэдэймни дунда тодороошонь һайн даа (Ч. Цыдендамбаев); Адуунай дундаһаа хүлэг тодордог, хүбүүдэй дундаһаа баатар шалгардаг (Оньһ. ү.); 3) эли болохо, элирхэ, тодо болохо (выясняться, обнаруживаться, подтверждаться): Тэрээнһээ гадна эдэ хоёр болбол жэгшүүритэ муухай хара хэрэг үүдхэжэ, комсомолой эдэбхитэй гэшүүн Базарай Гамаа гэгшэдэ хоро эдюулжэ алаһаниинь мүрдэлгөөр тодорбо (Ц. Дон); сүм тодорхо дууһан ойлгогдохо, мэдэгдэхэ (полностью проясняться, становиться понятным): Хүн түрэлтэнэй эгээл орёошье, мүн эгээл ойлгосотойшье хэлэниинь болохо хүгжэмэй хэлэн дээрэ Таниин юун тухай хэлэжэ эхилһэниинь Доржодо сүм тодорбо (Ч. Цыдендамбаев).