ТЭСЭМГЭЙГЭЭР

наречи үгэ дуугүйгөөр юумэ дабажа гараха шадабаритайгаар, бэеэ барижа, нэтэрүүгээр (терпеливо): Эдэ бүгэдые тэсэмгэйгээр шагнажа һууһан генеральна консул Яков Шишмарев миин һуугаагүй, харин шадал соогоо толгойгоо зобоожо байгаа һэн (Д. Батожабай); тэсэмгэйгээр хүлеэхэ удаан, нэтэрүүгээр, үгэ дуугүйгөөр, хайшаашье ябангүйгөөр, сухалдангүйгөөр хүлеэхэ (терпеливо ждать): Тиимэһээ ямар нэгэ һонин дуу үшөө дахин дуулахыень үбгэд, хүгшэд тэсэмгэйгээр хүлеэнэ (М. Осодоев); тэсэмгэйгээр ажаллаха нэтэрүүгээр, шармайжа ажаллаха (усидчиво работать): Би тэсэмгэйгээр һуужа ажаллахашье һэм, теэд энэ залуу наһамни һуулгана байлганагүй ха юм (Ч. Цыдендамбаев).