ТАТАГАЛЗАХА

үйлэ ү. 1) уг-заг гэхэ, угзаганаха, татагад-татагад гэхэ (содрогаться, дёргаться, корчиться): Омоголтоһон уралайнь булангууд хирэ хирэ татагалзан хүдэлнэ (Б. Санжин, Б. Дандарон); татагалзажа байхадал гэхэ татагалзаһан шэнгеэр харагдаха (казаться дёргающимся): Тэрэнэй шарайнь барагад гээд, үргэнэйнь арһан татагалзажа байхадал гэдэг байба (Ж. Балданжабон); 2) шэлж. шиидэжэ ядаха, гэдэргээ буляалдаха, маргаха, татагасаха (быть в нерешительности, колебаться): Ерэмсээрээ таняагүй хүндэ гүйжэ ошохонь аягүй юм гү гэжэ һанажа татагалзабашье, Гомбын айхабтар шуудаар хэлэхэдэ, Должон абяагүй зүбшөөжэ гараба (Ц. Дон); гэдэргээ татагалзаха маргаха, халажа ядаха, гэдэргээ буляалдаха (колебаться): Тэрээндэ гэдэргээ татагалзаха юуншье байгаагүй – гансал урагшаал, урагшаал дабхиха хэрэгтэй байба (Ж. Тумунов); 3) шэлж. тэбшэхэ, бэеэ абаха, эсэргүүсэхэ (воздерживаться, отказываться): эзэнтэ гүрэн унаад, Оросой эзэн хаан хаан шэрээнһээ татагалзаба (bxr.wikipedia.org).