ТАНАА

юум. н., танар доодо үд. 1) хамарай узууртаа набтар аад, нарин болоһон газар, хамарай дээдэ хуби (переносица): Хабибуллин урал амаа жэмыжэ, нидхэеэ зангидан, танаадаа ниилүүлээд … шүдөө хам зуужа, үргэ шанаагайнгаа булшан гүрылгэн таталдуулба (Г.-Д. Дамбаев); хамарай танаа магнайтай ниилэһэн хамарай дээдэ хонхогор хуби (переносица): Шуһагүй нюуртань тобойһон хамарайнь танаа үлэ мэдэгшье хүдэлнэгүй (А. Ангархаев); 2) хамар хасар хоёрой хоорондохи хонхорхой, мүн хамарай узууртаа набтар аад, нарин болоһон газар (ложбинка между носом и щекой): Хажуу тээһээнь харахада, хоёр танаа уруунь уһан дуһална (Х. Намсараев); 3) ямар нэгэн юумэндэ гаргагдаһан түнхеэдэһэн (выемка): …Булшан хүлөө хухарбални, / Уруугаа хараһан танаатай / Өөхэн тарим хутагаар… (Х. Намсараев).