ТАБИЖАРХИХА

үйлэ ү., видэй нэгэ түхэл 1) дары түргэн сүлөөлүүлхэ, ябахые зүбшөөхэ (тотчас отпустить): Басаган һард гүйжэ гараад, нохойгоо табижархиба хэбэртэй (Х. Намсараев); мэдээ табижархиха мэдээ алдашаха (потерять сознание): Үбсүүндэхи хармаан тээшээ гараа абаашаха зуураа, татагалзан, баһал мэдээ табижархиба (А. Ангархаев); 2) юумэн дээрэ хүлеэгдээгүйгөөр табиха (положить, поставить): Мяхаяа багашаг хэһэгүүд болгожо хэршээд, кастрюля соогоо хээд, плиткэ дээрээ табижархиба (Б. Мунгонов); нюдаргаа табижархиха нюдаргаа буулгажархиха, сохижорхихо (стукнуть, ударить кулаком): Малагар улаан магнай дундань мантагар нойтон нюдаргаяа шалд гэтэр табижархина (Х. Намсараев); 3) гэнтэ һуладуулха, һула болгохо, тамирыень гү, али эршыень бууруулха (ослаблять, расслаблять): Нэгэ удаа Тогоошын зүүн үбдэгһөөнь хам шүүрэжэ, үргэхөөр забдахадань, Дагба тэрэниие бахим тэбэриһэн гарнуудаа табижархиба (Д.-Д. Дугаров); жолоогоо табижархиха мориной хазаарта бүхэлэгдэһэн һурнуудые татахаяа болихо (отпустить поводья): Теэд мүнөө эжынгээ захяае ухаандаа оруулан, моринойнгоо уһа салгидуулхатайнь адли жолоогоо табижархиба (С. Цырендоржиев); бэеэ һула табижархиха тамираа алдаха, шэнээ тамиргүй болохо (расслабляться): Марияда үсэрэлдэхэ хүсэн байбагүй, тэрэ һугшарһаншуугаар абяа гараад, бэеэ һула табижархиба (С. Цырендоржиев); 4) гэнтэ, хүлеэгдээгүйгөөр хэлэжэрхихэ (внезапно сказать, выпалить): Үнихэнэйл хэлэхэ гэһэн юумэеэ бишни, үеыншни нүхэр хадаа, сэхэ руунь лэ табижархиба гээшэб (С. Цырендоржиев).