ТҮЛХЮУЛХЭ

үйлэ ү., идх. залог 1) түрихые баадхаха (заставлять толкать): Хаалта баригшад энэ хоёр шулууень бульдозероор түлхюулжэ, сөөрэм нуур руу унагааһан юм (Б. Мунгонов); 2) гараар гү, али багажа зэбсэгээр хүсэ хэрэглэн саашань болгогдохо, түригдэхэ (быть толкаемым): Хойноһоо олон зондо түлхюулһэн Барга-Нямын хүл газарта хүрэхэеэ болёод, пальтогойнь хормой өөдөө хөөрэшэбэ (Б. Мунгонов); түлхюулхэ татуулха үрсэгэнүүлэгдэхэ, сохюулха (подвергаться физическому воздействию): Тиигээд лэ тэдэнэр түлхюулэн татуулан, наагуур саагуур набтагашалдан, унан бодон носолдонод (Ц.-Ж. Жимбиев).