ТҮГШҮҮРИТЭЙ

1. тэмд. н. 1) амяа сагламаар, амяа бүтэмэ (удушливый); 2) мууе хүлеэлгэһэн, һанаа зобоонги, айлган һүрдүүлһэн, сэдьхэл хёморооһон, аюултай, амар амгалан бэшэ (тревожный, беспокойный, угрожающий): Алексей нүхэрэйнь мэнэ дуулгахаяа байһан һонин ехэл түгшүүритэй бэзэ гэжэ Доржо юундэшьеб һанана (Ч. Цыдендамбаев); түгшүүритэй байдал тогтууригүй, амаргүй, хүндэ хүшэр, амгалан тайбан бэшэ, аюултай байдал (беспокойное состояние, опасное положение); түгшүүритэй саг (үе) юумэнэй ходо хубилжа байдаг, тогтууригүй, бэрхэ, амгалан тайбан бэшэ саг (тревожное время): Энэ хадаа түгшүүритэй саг үе байна, дайсан хара добтолжо магад гэһэн һэргылэмжын мэдээ байгаа юм (Б. Санжин, Б. Дандарон); 2. наречи һанаа зобонгёор, айдаһатайгаар, мууе хүлеэжэ (тревожно, беспокойно): Түгшүүритэй жаргахаhаа түбшэн зобохонь дээрэ (Оньһ. ү.).