ТҮГЭЛДЭРӨӨР

наречи дууһан, гүйсэд, хүсэд, яһала (вполне, полностью, в полной мере); бэлиг түгэлдэрөөр гарамгай бэлиг абьяастайгаар, гайхамшаг бэлигтэйгээр (исключительно талантливо): Белорусска ССР-эй Гүрэнэй хоор (хүтэлбэрилэгшэнь БССР-эй арадай артист Г. Ширма) арадай искусствые бэлиг түгэлдэрөөр харуулһан, классическа хоровой хүгжэмые шадамар бэрхээр гүйсэдхэһэн байна (Буряад-Монголой Y нэнһөө); абьяас түгэлдэрөөр бэлиг абьяастайгаар, бэлигтэй бэрхээр (талантливо): Тэрэ гэһээр түрэл театрайнгаа тайзан дээрэ хоёр зуу гаран зүжэгүүдтэ хабаадажа, абьяас түгэлдэрөөр бэелүүлһэн дүрэ бүхэниинь харагшын сэдьхэл зүрхэндэ бүхөөр хадуугдажа үлэнхэй (Д. Сультимов); удха түгэлдэрөөр баян удхатайгаар, гүн удхатайгаар, гүнзэгы удхатайгаар (содержательно): Эндэ хүүгэдые хүмүүжүүлгын онсо, шухала гол арганууд тушаа тон тодоор, удха түгэлдэрөөр хэлэгдэжэ, нэн түрүүн бишыхан хүндэ тон хүндэтэйгөөр, өөртэеэ адли хүндэ мэтээр хандажа, хүмүүжүүлгынгээ бүхы хүдэлмэриие ябуулха шухала гэжэ сэхэ заагдана (Ц. Цырендоржиев); илалта түгэлдэрөөр гүйсэд, илалта асаржа (победоносно): – Амиды, илалта түгэлдэрөөр гэртээ бусааш гэел даа (Б. Шойдоков); амжалта түгэлдэрөөр яһала амжалтатайгаар (вполне успешно); бэлэдхэл түгэлдэрөөр бүхы юумэеэ бэлдээд (вполне подготовленно); бүрин түгэлдэрөөр дууһан, гүйсэд (в полной мере).