ТҮГЭД I

1. тэмд. н. бүрин, гүйсэд, дүүрэн, хүсэд, юугээршье дутахагүй (полный, полноценный): – Басаганай заһал бараг, түрэ хурим түгэд байха гэбэл, ондоо бэшэ юун хаб, – гэжэ дарьбадхаба (Х. Намсараев); түгэд мэдэлгэ бүрин мэдэлгэ, бүхы юумэ мэдэлгэ (совершенство в знаниях); түгэд зоригтой хатуу, мохошогүй зоригтой (целеустремлённый); түгэд хүсэн хүсөөр дүүрэн байлга, угаа ехэ һүр хүсэн (полная мощь, могучая сила); түгэд хүсэтэ хүсэрхэг, уйгаргүй ехэ һүр хүсэтэй (мощный); түгэд зэбсэгтэй хүсэд, бүхы зэбсэгтэй (в полном вооружении, во всеоружии): Үндэр халзан моритой, түгэд зэмсэгтэй, боро шинельтэй хүнэй гэнтэ хаанаһаашьеб бии болоод: – Зай, зэргэ жагсагты, шамдуухан! – гэжэ хашхаран дуугархалаарнь, тэндэ соогон байгаашад гансата зэргэ жагсаад, алхалан ябажархибад (Х. Намсараев); түгэд (гү, али түгэс) бэлэдхэлтэйгээр угтаха бүхы юумэ бэлдээд, дутагдалгүйгөөр угтаха (встречать в полной готовности); 2. наречи бүрин, хүсэд, бултыень (полностью, целиком, всё); түгэд бэлэн бүхы юумэниинь бэлэн (вполне готовый); түгэд түхеэрхэ хүсэд, бүрин бүтэн бэлдэхэ (полностью подготовить); түгэд хүрэхэ хангамжатай хүрэхэ, дутахагүй (вполне хватать); бүрин түгэд (гү, али түгэс) хүсэд, баран (целиком и полностью).