СУГЛУУЛБАРИ

юум. н. ехэнхидээ нэгэ түрэлэй олон юумэнэй согсо, согсолбори, нэгэдэл (сборник, коллекция): Нэгэ ханаарнь дүүрэн номуудтай, нүгөөдөөрнь элдэб шулуунуудай суглуулбари табиһан тагуудтай уужам таһаг соо юушье анхарангүй, Мария Яковлевнагай үгэнүүдыешье шагнангүй, Шоён тулам сооһоо булган дэгэл гаргаба (А. Ангархаев); музейн суглуулбари музейн бүхы үзүүлхэ юумэнүүд (музейное собрание); шүлэгүүдэй суглуулбари нэгэ номоор гараһан хэдэн арбан шүлэгүүд (сборник стихов): Буряадай номой хэблэлээр барлагдан гараһан «Нангин мэдэрэл» гэһэн шүлэгүүдэй суглуулбари хадаа Владимир Намсараевай хоёрдохи ном болоно (Ц. Жамбалов); дуунай суглуулбари нэгэ ном соо ниилүүлжэ хэблэгдэһэн дуунууд (песенник, сборник песен): 2017 оной декабрь һарада Буряад уласай Арадай уран бүтээлэй түб «Бүүбэй, бүүбэй, бүүбэйхэн» гэһэн үлгын дуунуудай суглуулбари буряад хэлэн дээрэ хэблэбэ (Буряад Y нэнһөө); маркануудай суглуулбари маркануудай согсо (коллекция марок).