СУГЛУУЛАГДАХА

үйлэ ү., хүлеэгд. залог нэгэ газарта ниилүүлэгдэхэ, хамта болгогдохо (быть собранным, сосредоточенным в одном месте): Энэ гайхалтай хүнэй гэр соо бүхы Буряадай хэдэн үеын – шэнэ, хуушан, урданай, мүнөөнэй номууд, гараһан бүхы журналнууд булта суглуулагданхай, гурбан ханыень эзэлэнхэй, наринаар хадагалагдажа байдаг (Ц. Номтоев); суглуулагдаһан зон дуудажа ерүүлһэн зон (собранные люди): Тиигээдшье үбһэнэй халуун үедэ суглуулагдаһан зоной һаналынь хаана байгааб гэжэ ойлгосотой (Ц. Цырендоржиев).