СУГАХА II

үйлэ ү. амитадай урда хүлхүүдээ үргэжэ, хойто хоёр хүл дээрээ бодохо, соройхо (становиться на задние ноги – о животных): Түргөөр гэнтэ гүйһэндөө жэгшэн алдаад, эзэнэйнгээ тэмдэг үгөөл һаа, хэрэгтэй тээшэнь даб гэхээр бэлэн сугана (Д. Эрдынеев); өөдөө сугаха а) соройхо, хойто хүл дээрээ бодохо (становиться на задние ноги – о животных); б) дээшээ һунаха, бодохоёо һанаха, тэршэлхэ (тянуться вверх, стремиться встать): … Ошорхайн гэртээ ороходонь, бэринь өөһэдынь орон дээрэ хүдэһэн хүнжэлөөр бэеэ орёонхой, ехэ хээлиеэ тэбэрижэ, тэмээшэлжэ байгаад, хана уняада аһан, гартаа ороһон юумэ бажуужа, шүдэндөө зууһан модоёо химэлжэ байгаад сугажа, гэншэжэ байба (Д. Эрдынеев); Агын голой уһан, залуугаар сайжа эхилһэн эхэнэрэй гэзэгэдэл, долгёо хөөһэтүүлэн, эрьеынгээ шулуун ханатай нэшэлдэн, өөдөө сугана (Д. Батожабай).