СОЁМБО

юум. н. 1) Үндэр гэгээн Занабазарай 1686 ондо Эртэнэй Энэдхэгэй ланза үзэгһөө үндэһэлэн зохёоһон сагаан толгой гэхэ гү, али азбукын эхинэй титим үзэг. Соёмбо Монголой эртэнэй һүлдэ болохо наран, һара болон галай дүрсые багтаажа, дэлхэй юртэмсэ, орон дайда, саг хугасаагай бэлгэ тэмдэг болоһон гүн удхатай тула Монголой бэеэ даанхай байдалтай болоһоной һүлдэ тэмдэг боложо, 1911 онһоо Монголой гүрэн түрын һүлдэ болоһон юм. Хойшодоо Монголой герб болон тугта урлагдадаг болоһон (соёмбо, эмблема независимости Монголии); 2) саба юртэмсын гэхэ гү, али амигүй байгаалиин оршожо байгаае бэлгэдэһэн шорой, уһан, гал, хии, огторгойе дүрсэлэн, баһа шэмэ юртэмсын гү, али хүнэй бэеын бүтэсые тудхаһан үзэг (соёмбо, идеограмма, символизирующая органический и неорганический миры).