СИИДЭГЭР

тэмд. н. 1) һулаар хүхэрһэн, хүхэльбэ сагаан, сэгээбэр, сиибэгэр (голубой, бледно-синий): Гомбо-Доржо туһалагша хоёрой үргөөһөө гүйлдэжэ гарахада, һарын сиидэгэр толон доро Шоно зогсожо, асарһан шухала һониноо Гомбо-Доржодо дуулгахаяа бэлдэн, энээнэйнгээ түлөө магтаал шанда хүртэхэ аабзаб гэжэ баяртай байба (Б. Санжин, Б. Дандарон); сиидэгэр хүхэ һулаар хүхэрһэн, шэнгэн хүхэ, хүхэльбэ сагаан (бледно-синий): Үндэр сэгээн тэнгэридэ тэргэд һара хүйтөөр, хурсаар яларна. Тэрэнэй сиидэгэр хүхэ толон доро пеэшэнэйнгээ хоолойнуудаар гонзогор гонзогор баханадал утаануудые бааюулан, Үлзытэ тосхон харлан нэбшынэ (К. Цыденов); 2) зэнхыжэ хүйтэ дааһан, зэнхэгэр хүйтөөр харагдаһан (бескрайний и веющий холодом – о зимней синеве неба): Үйлсын хонхор соогуур тогтоһон шалаагууд соогуур намарайхидал бараан, сиидэгэр тэнгэри хүйтэн толбоор ялайлдана (К. Цыденов); 3) сухигар, хубхи, үнгэгүй (бледный, бесцветный): Һамгад кукурузын талха hамарhан сиидэгэр шэнгэн шүлэ улхан соогоо хүүлээд, хахад альганай зэргэ хилээмэ абаад, полиин захаар жэрыhэн бухалнуудай hүүдэртэ эдеэлхэеэ hуубад (Г.-Д. Дамбаев).