СЭСЭРГЭХЭ

үйлэ ү., идх. залог сүршэхэ, сасаха, сабдаха (брызгать, обрызгивать): Машинанууд гүндүү гэгшээр хүнхинэлдэн, хойто мөөрнүүдээ хооһоор эрьелдүүлэн бур шабар сэсэргэн, хорхойн мүрөөр төөлэн, ябажа үгэбэ, тиигэһээр тогтон барин гараба (Ц.-Ж. Жимбиев); бэе бэедээ уһа сэсэргэхэ бэе бэедээ уһа хаялсаха, бэе бэе руугаа уһа адхаха, сасалсаха (брызгаться водой): Хоюулан бэе бэедээ уһа сэсэргэн, орой уруугаа адхалсан палшаганана (Ц.-Ж. Жимбиев); шүлһөө (гү, али шүлһэ нёлбоһоёо) сэсэргэхэ юумэ хэлэхэдээ, хашхархадаа аманһаа нёлбоһоо турьяха, жабжаараа хөөһэ хаяха (брызгать слюной): – Хожомдоһон ганса нэгэн хүн ерэнэ бэддоо, – гэжэ үүдэн шүдэнэйнгөө унашаһан тула шүлһөө сэсэргэнэ (Б. Шойдоков); Үбгэжөөл шүлһэ нёлбоһоёо сэсэргэн хараагаад, тулгуураа тулажа мааяргаад, гэрһээ холодон гэшхэлбэ (Б. Мунгонов).