СЭЭРЛЭХЭ

үйлэ ү. 1) ямар нэгэн юумэн гү, али үзэгдэл, гай баршад, үхэл, үбшэ хабша, муу юумэ дахуулжа болохо гэжэ айжа һүзэглэхэ, тэбшэхэ (бояться, что что-либо может повлечь за собой несчастье): Юрэдөө, эдэ хорёо соогуур элдэб хүнүүд ябана, урдань хүнүүдые хорёо хотодо дүтэлүүлдэггүй бэлэйбди, хонид үргэхэ, һүрдэхэ, хамшаг хэжэг халдаха гэжэ сээрлэгшэ һэмди (Ц.-Ж. Жимбиев); 2) ямар нэгэ юумэ хорихо, болюулха, хоримжолхо, таһалан зогсоохо (налагать запрет на что-л.): Б уряад зон аха хүниие ганса нэрээрнь дуудахаяа, мүн хандахаяа сээрлэдэг байһан, түрэл бэшэшье һаань, ахай, абгай гэжэ оруулалсадаг байһан; 3) арсаха, бэеэ бариха, тэсэхэ (воздерживаться): Архи, хаарта сээрлэхэ, үри шэрэһээ гараха аргагүй болоходоо, князь Меншшковэй хүлдэ мүргэжэ, хаанай нэрэһээ Камчатка гараха географическа экспедицидэ ябалсаха болоһон юм (Б. Санжин, Б. Дандарон).