СЭДЬХЭЛЭЙ

тэмд. н. сэдьхэл зүрхэндэ хабаатай (душевный, сердечный): Хэлэхээ хэлэжэрхиһэн хойноо, Намжал халаглажа, уралаа зууба: иимэ аргаар Доржимагай сэдьхэлэй шархые эдэгээхэ аалши? (К. Цыденов); сэдьхэлэй байдал урма зориг, һайхан һанаан (настроенность, настроение): Лирическэ шүлэг уншалгын бэлэдхэлэй үедэ хүгжэм дуу, зурагуудай репродукци, слайдануудые, үнгэтэ фото-зурагуудые г.м. хэрэглэжэ, эмоционально зохид сэдьхэлэй байдал тогтоохо шухала (С. Содномов); сэдьхэлэй бахархал хүхирэл, баяр (восторг, восхищение); сэдьхэлэй зоболон гашуудал, шаналал, уйдхар (душевная боль, печаль, скорбь): Тэрэнэй Хорлые хүлеэлгэ – сэдьхэлэй зоболон (Г.-Д. Дамбаев); сэдьхэлэй нюуса инагай нюуса (сердечная тайна); сэдьхэлэй үбшэн хүнэй һанаа сэдьхэлэй гажалга, гажарал (психическая болезнь).