СЭДЬХЭХЭ

үйлэ ү. 1) бодохо, ухаагаа гүйлгэхэ, бодомжолхо, ухаандаа һанаха, шэбшэхэ (думать, мыслить, размышлять): Энэ наһан соогоо хээ боложо ябаһан ажални хүн зондо тиимэ хэрэгтэй байһан юумэн гээшэ гү гэжэ сэдьхэн, уяран, урмашан һууна (Ц.-Ж. Жимбиев); сүлөө бодолго сэдьхэхэ хэн нэгэнһээ дулдыдангүй өөрынхеэрээ бодохо, хашагдангүй бодохо, сүлөөтэ шүүмжэлэлгэ хэхэ (вольнодумствовать); 2) һэдэхэ, һанаандаа зохёохо, хараалха, һанаашалха (замышлять, задумывать, затевать): Би ходо Лаура тухай бодожо, тэрээнтэй хаанахана, хүнэй харахагүй газарта уулзажа, дахин зугаалха гээшэбиб гэжэ сэдьхэнэм (Ц.-Д. Хамаев); муу юумэ сэдьхэхэ муу юумэ һэдэхэ, хара һанаа һанаалха (задумать недоброе); 3) хүсэхэ, һанаха, хүсэлдэ абтаха (желать, хотеть).