САНА

юум. н. хүлдөө бэхилжэ саһан дээгүүр гүйлгэхэдэ хэрэглэгдэдэг, хурса, хитагар үзүүртэй, доодо талань мэлигэр хоёр хабтагай, нарин ута модон (лыжи, лыжа): Хэдэн хоногто юушье хэнгүй хэбтэхэнь залхуутай боложо, хандагайн годон улатай санаяа абажа, ой гараба (С. Цырендоржиев); агнууриин сана ан агнажа саһан дээгүүр ябаха хэрэгсэл (охотничьи лыжи); хадын сана хадаһаа түргэн гэгшээр буудаг хэрэгсэл (горные лыжи); уһанай сана уһан дээгүүр һолжорхо хэрэгсэл (водные лыжи); санаар ябаха хүлдөө сана бэхилжэ саһан дээгүүр ябаха (ходить на лыжах): Минии эсэгэ бүтүү хүбшэдэ, хада уула дээгүүр санаар ябажа, ан агнадаг байhан юм (Г.-Д. Дамбаев).