САМБАР

юум. н. 1) юумэ бэшэхэ, зурахада хэрэглэдэг хабтагай (грифельная доска для письма): Хэрбээ Доржынгоо мэдэхэ үзэгүүдэй, бэшэжэ шадаха үгэнүүдэй бишыхан самбар дээрэ багтахаяа болёо һаа, эсэгэнь ехэ самбар дархалха (Ч. Цыдендамбаев); хара самбар а) һургуулида класс соо юумэ бэшэхэ хараар шэрдэгдэһэн хабтагай (классная доска): Хабарай түрүүшын аляаһан класс соогуур ниидээд, хара самбар дээрэ ошожо һуухадаа, харагдахаяа болишобо (Ч. Цыдендамбаев); б) түүх. 1920–1930-аад ондо газетэдэ хэблэгдэһэн хоол хүнэһэ тушаалгын түсэб дүүргээгүй, «нэрээ хухарһан» тосхонуудай нэрэнүүд (чёрная доска): хара самбарта гаргаха; улаан самбар ямар нэгэ юумэндэ шалгаржа гараһан зоной нэрэнүүдтэй хабтагай (красная доска); хүндэлэлэй самбар ямар нэгэ юумэндэ шалгаржа гараһан, һайн хүдэлһэн зоной нэрэнүүд ба гэрэл зурагуудтай хабтагай, һайшаалай самбар (доска почёта): Мүн энээгүүр няагдаатай Хүндэлэлэй самбар, ханын газетэ, элдэбын соносхолнууд дээрэһээ энэ һургуулиин ажабайдалай һонинуудые уншаба (Ц.-Ж. Жимбиев); соносхолой самбар зарлал үлгэдэг хабтагай (доска объявлений); үнэһэн самбар хууш. тоһо гү, али өөхэ түрхеэд, дээгүүрнь үнэһэ адхаһан юумэ бэшэхэ хабтагай (доска для письма, смазанная жиром и протёртая пеплом): Нэгэ хүнэй ерээд, үнэһэн самбарыень буляажа абашахаяа байһандал, тэбдэнэ (Ч. Цыдендамбаев); һурай самбар һур харбахада тоо тэмдэглэхэ хабтагай (дощечка для записи очков при состязании в стрельбе из лука); 2) ном сударай модон хабтаһан, гадар (дощечка, филёнка, служившая переплётом для ксилографов, печатавшихся на длинных узких листьях).