САЙН I

тэмд. н. сайда хабаатай (чайный): Ханькоугай сайн наймаа май һарада эхилээд, июнь, июль һарануудта түлэгынь болодог (Д. Батожабай); сайн халбага табан миллилитр шэнгэн юумэ багтаасатай, сай худхаха, гурбадахи хоол эдихэдэ хэрэглэгдэдэг халбага (чайная ложка): Тэдэ зоной зариманиинь алталмал, үгышье һаа сула мүнгэн сайн халбагануудаар аяга сооһоо тарган хониной хэршэмэг мяха этэшэлэн гаргажа эдинэд (Д. Батожабай); сайн хэршүүл (гү, али хэршүүр) хоёр талыень ханатуулан түнхижэ хэһэн, дүрбэлжэн хабтагар модондо түмэр бүтүү хадаад, тэрээндэ зузаан түмэр хутага тааруулһан, сай хэршэдэг зэмсэг (инструмент для крошения чая, нож-секач для чая): сайн хэршүүлээр нэгэ эдеэшүүлхэ сай хэршэжэ абаха; сайн шанага нэгэ таладаа барюултай сай аягалха багашаг хонхор удхуур (поварёшка для разливания чая); сайн аяга сай ууха амһарта (чайная чашка); сайн дээжэ һая шанаһан сайн түрүүшын хуби (первинка чая, которая подносится духам на улице брызганьем в разные стороны; первые чашки подносятся почётным лицам, гостям); сайн сүгсэ бурханда сайн дээжэ үргэхын тула хэрэглэгдэдэг жаахан амһарта (чайная чашечка, которая ставится перед божницей); сайн шаара сай ууһанай һүүлээр үлэдэг сайн набшаһад, хаядаһан (чаинки, спитой чай): Хажуудань сайн шаараар дэбтээгдэһэн горитойхон хүм арһан хэбтэнэ (Д. Эрдынеев); сайн шабхаруу аягын оёорто үлэһэн сай, сайн үлэгдэл (подонки, остатки чая напр. в чашке).