САБШУУЛХА

үйлэ ү., идх. залог 1) эритээр отологдохо (быть срубленным, отрубленным): Дугын модон эгээл тэрэ хухарһан газараараа хахадтаа хүрэтэр хэндэшьеб дороһоо сабшуулһан байгаа (Б. Мунгонов); 2) хадагдаха, хажуураар абтаха (быть скошенным): – Хэшээгыш, болииш, – гээд, сабшуулһан үегүй үбһэндэл минии хүлдэ унажа, мүргэжэ оробо (Ц.-Д. Хамаев); 3) эритээр отолхые баадхаха (заставить рубить): Бата Доржоор модо сабшуулба; 4) хадахые баадхаха (заставить косить): Тиимэ тунеядецуудые бултыень намнажа хүдөө гаргаад, газар хахалуулһайб, үбһэ сабшуулһайб, хони бэлшээлгэһэйб! (Б. Мунгонов); 5) эритээр отолхые зүбшөөрхэ (позволять рубить): Балдан хүбүүгээрээ һургангаа мяха сабшуулаад туршаба; 6) хадахые зүбшөөрхэ (позволять косить): Монголшууд өөрынгөө газар дээрэ манда үбһэ сабшуулаа.