АЯГ

юум. н. 1) хүнэй зан, ааша, абари, зан абари (поведение, нрав, характер): Хүдэлхэ аягтань, миһэлзэһэн шарайдань залуу басаганай шэнжэ шанар бии болоно (Ч. Цыдендамбаев); аяг ааша а) аяг зан, абари, зан абари, заншал (поведение, манера, нрав): Үдэшэлэн, хүйтэн унтаридаа ороходонь эхынь урихан шарай һанагдажа, аханарайнь, нүхэдэйнь аяг ааша, дуу зугаа соностон ерэнэ (Б. Мунгонов); б) хүнһѳѳл һаа ондоогоор аяглалга, элдэбээр хубилалга (капризы): Тэрэнэй аяг аашануудые гэнтэ һанаандаа оруулхадаа, зосоонь муудадаг (Ц.-Ж. Жимбиев); аяг аашата элдэб зантай, элдэб зан харуулдаг (с вывертами – о характере); аяг (ааша) муутай абари зангаар муу (с дурным характером): Хуумаан Гомбо анханһаа нааша аяг ааша муутай һэн (Х. Намсараев); Аяг муутай эхэнэрэй аарса шэнгэн (Оньһ. ү.); аяг зан заншал, маяг, янза хэбэр, абари (манеры, привычки; поведение, нрав, характер): …дуугарха аяг зангыньшье адли (Б. Мунгонов); Аяг зангаарнь абыень тани, эльгэ сэдьхэлээрнь эжыень тани (Оньһ. ү.); аяг зангаараа тааралдаха бэе бедээ таараха, ойлголсохо, эбтэй эетэй һууха (сходиться характерами): Ондо ондоо яһанай хүнүүд хамтараад, аяг зангаараа тааралдаа һаа, хэнһээшье золтой һуугша бэшэ гү? (Ч. Цыдендамбаев); аяг гаргаха, барг. аягаа таһарха зангаа харуулха (проявлять свой нрав, показывать манеры): Убашын Сэрэнэй аяг гаргажа, шанга шангаар сошохонь бар-бар гэжэ элихэнээр дуулдана (Х. Намсараев); хүндэмүүшэ аяг гаргаха уряалга зан харуулха (проявлять гостеприимство): Энхэ Тайван хуушанайнгаал зангаар хүндэмүүшэ аяг гаргажа, Очир тайжада халта дохиходол гээд, хажуугаарнь зэргэшэн, сэсэглиг соогуур ябалсаба (Д. Батожабай); аяг буруутайгаар хүнһѳѳ ондоогоор (не как все): Аяг буруутайгаар хараад, хултагад гэжэ буруулан ябаад … орхёо һэн (Х. Намсараев); аяг зугаа зугааша абари (игривый характер): Тархай баянай үглѳѳгүүр ерэжэ харахада, Будамшуу хүбүүн аман сооһоо аяг зугаа гаргаһан хэбэртэй, амаргүй энеэсэгээн хэбтэбэ ха (Ц. Шагжин); 2) хэбэр, түхэл (вид, облик); нойрмогтой аяг үзүүлхэ һэрижэ ядажа байха, һэрижэ ядаһан хэбэр харуулха (быть заспанным, с сонным видом); 3) баруун бур. эрэлхэг, эдирхэг зан (удаль).