АМИНАЙ

тэмд. н. 1) аминда хабаатай, хүнэй, хубиин (личный); аминай хэрэг хубиин хэрэг, үмсын хэрэг (личное дело): – Хаана ошоод ерэбэш? Хара аминай хэрэгээр гү, Харагдаа үзэгдѳѳгүй дайдаар гү? (Х. Намсараев); аминай үмсэ хубиин зѳѳри (личная собственность); аминай онсо илгаа ганса хүнэй тусгаар, ѳѳрынь, бусадһаа илгаруулха шэнжэ (индивидуальность); 2) амин наһантай жэнтэй, ами наһаяа үгэхѳѳр (стоящий жизни человеческой): Хүнүүд ехэл балар байгаа юм даа: хэдэн ангай арһанай түлѳѳ аминай тэмсэл хэдэг һэм шуу (Д.-Д. Дугаров).