ТЭЭҺЭЭ

1. дах. ү. ямар нэгэн талаһаа, газарһаа (со стороны, от): Мүнөө басаганай ошоһон зүг тээһээ хашхарха дуулдажа, юун болобо гээшэб гэжэ Владигта дохёод, Цыбиков тиишэ шамдашаба (Б. Шойдоков); баруун тээhээ а) баруун гар талаһаа (с правой стороны, справа): Баруун тээһээ зүүн гар тээшэнь харабал: Б. Рабжаев, С. М. Дугарон, Г. Д. Викулов гэгшэд (Б.-Ц. Дугаров); б) баруун зүгһөө, баруунһаа (с запада): Баруун тээһээ һулаханаар һэбшээлжэ, түүдэгэй утаанай үнэр хамарыем сохин хангалтана (Д. Доржиева); бүхы (гү, али олон) тээhээ а) олон зүгһөө (со всех сторон); б) бүхы талаһаа, тодорхойгоор (всесторонне); дүрбэн тээһээ дүрбэн зүгһөө, дүрбэн талаһаа (с четырёх сторон): Дүрбэн тээһээ хадануудаар халхалагдаһан аймагай түб һуурин тэдэ хоёрто гоё һайханаар харагдаха юм (М. Осодоев); нэгэ тээһээ хаанаһаашьеб, ямар нэгэн газарһаа (откуда-нибудь): Байтараа нэгэ тээһээ гаража ерэнэ бэзэ (М. Осодоев); нүгөө тээһээ нүгөө талаһаа (с другой стороны); ондоо тээhээ хари газарһаа, эндэһээ бэшэ (из других мест): Ажаглахада ондоо тээһээ ерэһэн түхэлтэйгөөр харагдана (Х. Намсараев); газаа тээhээ газааһаа, газаа талаһаа, зосоо талаһаа бэшэ (снаружи): Томонууд һаруул сонхотой, сонхонуудынь газаа тээһээ хаагдадаг (Ц. Шагжин); нуур тээhээ нуурһаа, нуурай тэндэһээ (с озера): Сөөрэм нуур тээһээ үдэшын һэбшээ татажа, зуһалангай оршондо ехэл аятай зохид, һэрюухэн болонхой (Б. Мунгонов); 2. алайр һүүлээр, һүүлдэ (затем, потом): Тээhээ саашаа ошобо.