ТЭЭХЭНЭ

дах. ү. яг ямар нэгэн талада, хажууда, бэедэ, зүгтэ (как раз в какой-л. стороне): – Би шинии хоёр нюдэнэйшни хоорондо, тэрээхэн сохыншни уршалаагай доодо тээхэнэ алдангүйл буудахаб (Ц.-Ж. Жимбиев); урда тээхэнэ а) нэгэ заа урда (немного впереди): Шулуун эрьетэй голой урда тээхэнэ зэргэлээд байдаг Германиин ба Англиин элшэн сайдай газаа энэ тэмээн хамбын тогтоһон тула тэндэ алба хаагшадай гэр бүлынхид сонхоор бултагашалдана (Д. Батожабай); б) нэгэ заа эртэ, урдахана (незадолго до, накануне): Наранай орохын урда тээхэнэ ойн оёорһоо мориной турьяха, хүнэй «һэдь» гэхэ дуулдаадхиба (С. Цырендоржиев); hуралсалай урда тээхэнэ һуралсалай урдахана, һуража эхилхэеэ байхада (накануне учебного года).