СҮМХӨӨГ

юум. н. 1) голой гү, али нуурай оёорто гүн нүхэн, сээл, эрьюулгэ (глубокая яма на дне реки, озера, омут): Горхон годирон бэдирэн, заримандаа хэдэн тээшээ һалаатан, бишыхан сүмхөөг, сөөрэм, эрьюулгэ болон урдана (Ц.-Ж. Жимбиев); сүмхөөг соолохо голой гүнзэгы газарта мүльһэ нүхэлхэ (делать прорубь в глубоком месте реки): Мүльһэн дээрэ гарахые хориһон тусхай тэмдэгүүдые тоогоогүй зониие, мүн гаталалгын хоëр тээ 100 метр зайһаа дүтэ газарта сүмхөөг соолоһон загаһашадые мүнгөөр хэһээхэ хэрэгтэй гээд онсо байдалай мэргэжэлтэд бодомжолно (vtinform. com); 2) уһатай гүнзэгы хонхор, сөөрэм (небольшой водоём): … мориёо асаржа эмээллээд, мэшээгтэй хүнэһэеэ ганзагалаад, үшөө үдэр хада намагай эхиндэ обёорһон сүмхөөг руугаа яараба (С. Цырендоржиев).