СОЛБОН(Г)

(Г) юум. н., астр. Наранһаа тоолобол, Наранай системын хоёрдохи планетэ, Наранһаа тудаһан хурса гэрэлээр гэрэлтэжэ харагдадаг ушарһаа одон гэжэ нэрлэгдэдэг (Венера, планета); үүрэй солбон Наран Һара хоёрой удаа огторгойдо, илангаяа үглөөгүүр ба үдэшэлэн, эгээл ялагараар харагдадаг гараг (утренняя звезда): Зүүн урда зүгһөө харанхы огторгойн хаяада Үүрэй солбон сасарма сагаан гэрэлээр ялалзан дэгдэжэ, үүр сайха дүтэлбэ ха (Б. Мунгонов); үүрэй солбоной гаратар үглөөнһөө гурба-дүрбэн саг түрүүн (до восхода утренней звезды): Үүрэй солбоной гаратар залуу һамганайдаа үнжөөд, һөөл жаргалтай юумэ гэр тээшээ найгаржа ябана бшуу (М. Осодоев).