СОЛБОНООР

наречи шуран хурдаар, даб гэжэ, габшагайгаар, шуумгайгаар, бушууханаар (прытко, проворно, ловко): Баярлаһандаа сошоһон Должон һөөргөө нэгэ даб гэн алдаад, тэдэнэй үүдэн тээшэ ерэхэдэ, солбоноор халба һүрэн, зайлаад үгэбэ (Ц. Дон); бушуу (гү, али хүнгэн) солбоноор шуран хурдаар, даб гэжэ, габшагайгаар (проворно, быстро, шустро): Газаагаа ерээд, шаргаһаа бушуу солбоноор буужа, омогтой бардамаар шууд гэшхэлэн, Гомбо гэртээ оробо (Ц. Дон); Бэеэ хүсэжэ, түлэг шадал соогоо ябаһан бүргэд ха, ехэ хүнгэн солбоноор агаарта тамарна (Ц.-Д. Хамаев).