САҺАНАЙ

тэмд. н. саһанда хабаатай (снеговой): Баруун ойн захаархи боролжо соо юуншьеб бүрэлзөөд, саһанай урадхал соогуур ороһон аад, дахин харагдабагүй (Д.-Д. Дугаров); саһанай уһан хайлаһан саһан (снеговая вода): Үдэрынь игаабари наранай элшэһээ хайлан урдаһан харгын захаархи, гэрэй оройгоорхи һиимэгэр саһанай уһан үдэшын яб гэмэ хүйтэндэ дээгүүрээ хайнагтажа, ябахадамнай хүл доромнай харшаганан бутарна (Ц.-Д. Хамаев); саһанай хаалтанууд һалхяар үлеэгдэжэ байһан саһа барихын тула харгы зубшан табигдадаг багахан забһартайгаар хэгдэһэн хананууд, модон решётконууд (снеговые щиты).