САА II

юум. н. бэеын, үе мүсын мэдэрэлгүй боложо, хүдэлхэеэ болидог үбшэн. Домогой ёһоор, энэнь үбшэнэй эзэн болохо нэгэ ехэ шолмосой нэрээр нэрлэгдэдэг үбшэн. Тэрэ саа гээшэ юһэн толгойтой. Бүхы бэень шүдэн болоһон, аманиинь гэдэһэндээ байдаг. Энээнэй һүүдэртэ дайрагдабал, хүн бузарыень абажа, бэень таталдадаг, унадаг, зарим хубинь мэдэрэлгүй болодог нервэ-тархиин үбшэн болоно (паралич): Саа гээшэшни ехэл ужаг муухай үбшэн ха юм. Хэдэн жэлдэ үхэхэшгүй, амидырхашгүй юумэн хэбтэхэш (Б. Мунгонов); саа үбшэндэ дайрагдаха (гү, али дайруулха) бэеын, үе мүсын мэдэрэлгүй боложо, хүдэлхэеэ болидог үбшэндэ хүртэхэ, нэрбэгдэхэ (быть разбитым параличом): Энэ багшамнай саа үбшэндэ дайрагдажа, һарюушаг болоһон бэетэй, үрөөһэн хүл, гарынь тахиршаг һэн, хүүгэд «тахир багша» гэжэ доогуур нэрлэгшэ һэмди (Б.-Б. Намсарайн); Удаань эсэгэнь саада дайруулаад, үнишье хэбтэнгүй наһа бараа бэлэй (С. Доржиев); хүлэй саа хүлэй хүдэлхэеэ болидог үбшэн (паралич ноги); үрөөлэ бэе саада дайруулба үрөөлэ бэе мэдэрэлгүй болобо (парализована половина туловища).