ҮҮР II

юум. н. 1) амитадай байрладаг газар, уурхай, уургай (гнездо): Энээхэн хажуудам байһан Гэрэлмаатай хониной фермын дал, сарай дээгүүр борбилоогой, хүхэ сэгсэгын үүр бэдэржэ, үндэгэ дальбараахануудаарнь наадажа ябаһан саг байгаа ха юм (Ц.-Д. Хамаев); хорото шарын (гү, али шара зүгын) үүр хорото шарын байрладаг газар (осиное гнездо): Үүрээ онгилуулһан хорото шарануудтал, лагерь соо хүлгөөн, дүүеэн мэтэр боложо, иишэ тиишээ гүйлдэлгэн, мори хараяа барилган болобо (Б. Санжин, Б. Дандарон); шоргоолжоной үүр шоргоолжоной бута (муравейник): Хүн зон тэрэ дары хүүелдэжэ, шоргоолжоной үүр мэтэ хүдэлжэ захалба (М. Осодоев); томо сагаан hархяагай үүр томо сагаан һархяагай бүлэг (гнездо груздей); үүр һүүл ага шэрэлдэhэн хилгааhатай мориной һүүл (конский хвост со скомкавшейся шерстью); 2) шэлж., хууш. ямар нэгэн эмхи зургаанай эгээ доодо анги, бүлгэм (ячейка): Тэрэ намартаа манай нютагта комсомолой үүр анхан бии болоһон байгаа (Ц. Дон); намын (гү, али партиин) үүр намын анги (партийная ячейка): Манай үүр һаяшаг тогтоһон, ойро дүтэ партиин хүсэтэй һайн үүр үгы байгаа ха юм (Ц. Дон); 3) шэлж. дайсанай байра, дайсанай хороһон газар (вражеское гнездо, логово): дайсанай үүр; хулгайшанай үүр хулгайшадай суглардаг газар (воровской притон).