ҮРГЭЛХЭ

үйлэ ү. ехэнхидээ хүндэ, томо юумэ нюргандаа ашаха, тээхэ (взваливать на плечи, поднимать): Вокзалай үүдээр ямар нэгэ мантан томо амитанай гэдэһэн сооһоо газаашаа адхарһан мэтэ чемодан бариһан, үргэбшэ үргэлһэн хүнүүд зүүн, баруун тээшээ харайлдабад (С. Цырендоржиев); арадаа үргэлхэ нюргандаа ашаха, тээхэ (взваливать на спину); буугаа үргэлхэ буугаа нюргандаа ооһороорнь торгохо, хаяха (закидывать ружье за спину): Эдэнээ һажаажа, Ошорхайн Майдар хара багаһаа буу шуу үргэлһэн, тэдэ нагасатанаа дахажа, бүри үхибүүн ябахадаа хүбшэ гарашаһан юм (Д. Эрдынеев); нюргаа үргэлөөд ябаха хоёр гараа ууса дээрээ холбоод ябаха (ходить, заложив руки за спину): Балбарай эжы нөөхи тушаагаараа хии шарбаад, бэеэ барижа, нюргаа үргэлөөд, гэдэргээшье харангүй, гэр тээшээ хэлтэлзэшэбэ (С. Цырендоржиев); Бага байхадамнай хүгшэн эжы нюргаа үргэлөөд бү ябагты, сээртэй, гансал наһатай хүн иигэжэ ябадаг юм гэжэ хэлэгшэ һэн.