ҮНЭНШЭХЭ

үйлэ ү. этигэхэ, худал бэшэ гэжэ тоолохо (считать правильным, верить): Хобууша һамгадай худал хуурмаг зугаада үнэншэхэ болоо һаашни, одоол галгүй газарһаа утаа гаратар жабжаганалдаха бшуу (М. Осодоев); үнэншэжэ ядаха ямар нэгэ юумэн сохом боложо байна гэжэ ойлгожо ядаха, этигэхэгүй (быть не в состоянии поверить): Мэнэ мэнэ болоод лэ хүгшэнөө шэртэхэдэнь, хурса долонгир харасань нэгэ хүйтэрэн, нэгэ зөөлэрэн, мүнөө дуулаһан, үзэһэндөө үнэншэжэ ядажа байһыень харуулна (Д. Эрдынеев); үгэдэ үнэншэхэ үгэдэ этигэхэ (верить слову, верить на слово): – Хамтынгаа баялигые даажа байгаа сагтаа би хүнэй үгэдэ үнэншэжэ, һүрэгөө бултыень тушаахаһаа байха, гансашье адуу үгэжэ үзөөгүй хүнби (Д.-Д. Дугаров).