ҮЛЬГЭР II

юум. н. 1) жэшээ, һайн ябадал, халан абахаар юумэн (пример, образец): Юундэб гэхэдэ, эдир һурагшадай бригадада мүрысөөгөө, халтад гээ һаа, алдаха болоһон дээрэһээ эдир һурагшадай бригадаһаа үльгэр абажа, баһал һүниин халаа эмхидхэжэ, шахардуугаар ажалладаг болоо юм гэжэ мүн лэ һонирхон хөөрэлдэнэ (Х. Намсараев); үльгэр жэшээ һайн ябадал, халан абахаар юумэн (пример, образец): Энэ мэтээр үетэнэйнгөө дунда үльгэр жэшээ үзүүлхые оролдожо ябадаг, урагшаа һанаатай хүбүүн байха юм (Х. Намсараев); 2) түхэл, хэлбэри, хэб (форма): Мүлтэгэр мүрнүүдынь бүри мүлтыжэ, дүрсэнь хурса углуутай треугольнигой үльгэртэй болошоно (Ж. Тумунов).