ҮДЭШЭ

1. юум. н. 1) нара шэнгэхын оршомһоо сагаан гэгээ таһарха хүрэтэрхи үе, үдэрэй һүүлээрхи, һүниин урдахи саг (вечер): Газаа удангүй бүрэг-бараг боложо, хабарай дулаахан намжаа үдэшэ хүрэжэ ерэбэ (Ц. Дон); үдэшэ болгохо наранай орохо саг хүлеэхэ (дожидаться вечера); үдэшэ болохо гэгээн үдэрэй дууһаха, бүрэг-бараг боложо эхилхэ (вечереть): Үдэшэ болоходо, зүрхэлжэ зүрхэлжэ, тэрэ басаганайнгаа гэр тээшэ шэглэбэб (З. Гомбожабай); үдэшэ болохотой хамта харанхы боломсоор (с наступлением вечера): Үхибүүд болон хүгшэд үдэшэ болохотой хамта энэ гэр тээшэ харахаяашье айдаг (А. Ангархаев); үдэшэ эртүүр боро хараа орожо байхада (рано вечером); үдэшэ нара h айн оро h он хойно харанхы болоод байхада (поздно вечером после захода солнца); үдэшэ бүри үдэрэй дууһаха бүридэ (каждый вечер): Фотоёо эльгэхыень гуйна, ханадаа үлгөөд лэ, үдэшэ бүри уулзаһан мэтэ байхабди гэжэ найдуулна (С. Цырендоржиев); 2) ехэнхидээ үдэшын хирэдэ ямар нэгэн үйлэ ябадалда зорюулагдаһан олониитын суглаан, арга хэмжээ (вечер, мероприятие): Буряад театрай ордон соо байгша оной арбан hарын 23-най үдэшэ түрэл буряад хэлэнэймнай арбан жэлэй баярай үдэшэ үнгэрөө бэлэй (minkultrb. ru); 2. наречи гэгээн үдэрэй дууһахада (вечером): Булта ехээр эсээд тиигээ юм гү, зүгөөр ажалаа дууһаад, үдэшэ, гэртээшье бусажа ябахадаа дуу шуун хомор байба (К. Цыденов); үдэшэ үглөө үдэрэй эхиндэ ба эсэстэ (утром и вечером): Тэрэнэй ехэ һамган Гажидта Бадарма унзад байрлажа, үдэшэ үглөө хонхо дамаарын дуун таһархаа болиһоор үнинэй (Х. Намсараев).