ҮГЭГҮЙГӨӨР

наречи абяа аниргүйгөөр, нэгэшье юумэ дуугарангүйгөөр, абаһаар (молча): Ороһоор мэндэеэ хэлээд, Намжал хармаануудаа һуулижа, эндэ эльгээгдэһэн тухай саарһаяа үгэгүйгөөр һарбайба (К. Цыденов); 2) юушье хэлэхэ хэрэггүйгөөр (без слов): Тиигээд һүүлдэнь үгэгүйгөөр ойлголсохол аабзабди, хоюуландаал мэдэхэ нюусынгаа түлөө һанаата болоно гүш гэһэндэл мэхэтэйхэнээр нидхэнүүдээ хирбылгэбэ (А. Ангархаев); олон (табан) үгэгүйгөөр үлүү юумэ хэлэнгүйгөөр (без лишних слов): Намсалмаа олон үгэгүйгөөр, гансата тэрэ дурадхалыень абаа һэн (Ц. Шагжин); Олон табан үгэгүйгөөр урдатнай байһан юумэеэ эдеэд гарагты!