УЯНГАЛХА

үйлэ ү. 1) ирагуу hайханаар, сэдьхэл хүдэлгэмөөр, аялгые шэмэглэһэн нугаралтайгаар дуугарха, дуулаха, уншаха, намшагтайгаар дуугарха (говорить, петь, читать мелодично): Тэндэхи баян Дашабалай таряае хүлһөөр хадажа байһан өөрынгөө түрэһэн эхэ эгэшэ хоёроо харан гэхэдээ, тэрэ бишыхан басаган, омог хүхюунээр уянгалан дуу дуулаба (Х. Намсараев); Уянгалдаг хүхымнай хаанахан бэ, / Уулынгаа үндэрэй сэнгэлигтэ (Арадай дуунһаа); уянгалан байжа уншаха намшагтайгаар уншаха (читать нараспев, звучно); 2) гоёор хэлэхэ, магтаха (воспевать): Улаан бургааһан шэнги гүлмэр наһамни гэжэ поэдүүд уянгалдаг (Ц.-Д. Хамаев); уянгалжа зугаалха гоё гоёор хэлэхэ (красиво говорить); 3) аяглаха, аашалха (манерничать, жеманиться).