УЛАСХООРОНДЫН

тэмд. н. хоёр гү, али хоёрһоо олон гүрэн түрэнүүдэй хоорондын, арадуудай хоорондын (международный): Буряад ороной Толгойлогшо Буддын Уласхоорондын хуралдаанда хабаадахаяа ерэһэн Хитадай буддын шажантанай эблэлэй түлөөлэгшэдтэй уулзаа (С. Ринчинов); уласхоорондын асуудал гүрэнүүд хоорондын харилсаанай талаар хэлсэгдэхэ юумэн (международный вопрос): Нэгэтэ холоһоо ерэһэн лектор уласхоорондын асуудалаар һонин хөөрэлдөө үнгэргөө бэлэй (Ц.-Ж. Жимбиев); уласхоорондын харилсан ажаллалга гүрэнүүд хоорондын харилсаанай ажал ябуулга (международное сотрудничество); уласхоорондын хэлсээн гүрэнүүдэй хоорондын хэлсээн, зүбшөөрэл (международное соглашение); уласхоорондын аюулгүй байдалые бэхижүүлхэ гүрэнүүд хоорондын гай усалгүй байдал байгуулха, бүхэжүүлхэ (укреплять международную безопасность); уласхоорондын яармаг эсэгэ ороной, мүн хилын саанахи үйлэдбэрилэгшэдэй эд бараанай үзэсхэлэн худалдаан (международная ярмарка): Октябриин 18-һаа 21 болотор Улаан-Үдэ хотодо Орос-Монголой уласхоорондын яармаг үнгэржэ байна (С. Гунгарова, Ч. Хамагаев); Эхэнэрнүүдэй уласхоорондын үдэр (гү, али һайндэр) олон гүрэндэ тэмдэглэдэдэг эхэнэрнүүдэй һайндэр (Международный женский день): Мартын 6-да Улаан-Үдэ хотын Ород драмын театрта Эхэнэрнүүдэй уласхоорондын һайндэртэ зорюулагдаһан баяр баясхаланта хэмжээ ябуулга үнгэрбэ (Л. Цыбенова).